30. ágúst 2015

Meira krukkuhekl

Krukkuhekl

Best að efna það að vera duglegri að blogga :) Ég er búin að vera að hekla ýmislegt, sumt get ég ekki bloggað um strax og sumt er langtímaverkefni... en ég gríp alltaf á milli í nokkrar krukkur og eftir að ég keypti stærri bakka þá finnst mér ég verði að fylla hann. Þannig að efni þessar bloggfærslu eru þessar tvær nýju krukkur og svo fær ein gömul að fljóta með sem ég bloggaði ekki um í bloggleti minni :)



Þessi var að detta af nálinni í dag og er krukka undan sultu. Hún er sérlega fíngerð og núna finnst mér krukkurnar mínar úr fíngerðu garni fallegastar ;) Það er mun erfiðara að hekla þær en þær eru sko þess virði að mínu mati :) Ég held að ég sé að detta alfarið í þetta fíngerða... það styttist örugglega í að ég fari að hekla snjókorn og bjöllur ;)

Garn: Solberg 12/4
Heklunál: 1,5 mm
Uppskrift: engin


Þessa gerði ég í vikunni og setti mynd inn á Facebook-síðuna eins og þeir sem líka við síðuna mína hafa séð. Þessi er frekar lítil eins og þið sjáið á fyrstu myndinni hér fyrir ofan.

Heklað utan um krukkur

Hekluð krukka

Garn: Solberg 12/4
Heklunál: 1,5 mm
Uppskrift: engin


Hér er svo ein "gömul" sem ég sé að ég hef ekki bloggað um en þökk sé Ravelry þá sé ég að ég hef lokið við hana 25. janúar. Þetta er risastór rauðkálskrukka :)

Krukkuhekl

Garn: Satúrnus
Heklunál: 2,0 mm
Uppskrift: engin

20. ágúst 2015

Hekluð krukka #2 - uppskrift

Ég elska að hekla utan um krukkur og þar sem Skeljakrukku uppskriftin mín er búin að vera svo vinsæl þá ákvað ég að henda í aðra uppskrift handa ykkur :)

Ekki afrita og dreifa uppskriftinni sjálfri en þið megið að sjálfsögðu deila linknum á uppskriftina að vild.


Hekluð krukka #2

Það getur þurft að aðlaga svolítið uppskriftirnar eftir því hvernig krukku og/eða garn er verið að nota. Í þessa krukku notaði ég Satúrnus garnið (100% bómull - 200 g - ca 680 m) og 2,0 mm heklunál og krukku undan rauðbeðum eða rauðkáli (hún er ca 15 cm á hæðina og 28 cm að ummáli).

Skammstafanir:
ll = loftlykkja,
kl = keðjulykkja,
fl = fastalykkja,
st = stuðull,
tbst = tvöfaldur stuðull,
llb = loftlykkjubogi,
L = lykkja,
umf = umferð,
[...]x2 = gera innihaldið tvisvar sinnum.

Botn:
Gerið galdralykkju (magic ring).
1. umf. 3 ll (telur sem st), 11 st utan um hringinn, tengja með kl í 3. ll. Dragið galdralykkjuna saman (samtals 12 st).
2. umf. 3 ll (telur sem st), 1 st í sömu L, *2 st í hverja L* endurtaka út umf það sem er á milli * *, tengja með kl í 3. ll (samtals 24 st).
3. umf. 3 ll (telur sem st), 1 st í sömu L, 1 st, *2 st í sömu L, 1 st* endurtaka út umf það sem er á milli * *, tengja með kl í 3. ll (samtals 36 st).
4. umf. 3 ll (telur sem st), 1 st í sömu L, 2 st, *2 st í sömu L, 2 st* endurtaka út umf það sem er á milli * *, tengja með kl í 3. ll (samtals 48 st).
5. umf. 3 ll (telur sem st), 1 st í sömu L, 3 st, *2 st í sömu L, 3 st* endurtaka út umf það sem er á milli * *, tengja með kl í 3. ll (samtals 60 st).

Núna þekur stykkið nánast botn krukkunar en ef þið eruð með stærri krukku þá getið þið fjölgað umf með sama sniði þ.e. st á milli fjölgar um 1 í hverri umf þannig að næst yrði gert 2 st í sömu L, 4 st en athugið að enda á því að hafa fjölda lykkja þannig að 10 gangi upp í fjöldann.

Krukkan:
Mynstrið sjálft er margfeldi af 10.
6. umf. 1 ll, fl í sömu L, 4 ll, hoppa yfir 3 L, fl í hverja af næstu 3 L, *4 ll, hoppa yfir 3 L, fl í næstu L, 4 ll, hoppa yfir 3 L, fl í hverja af næstu 3 L*, endurtaka út umf það sem er á milli * *, endið á að gera 2 ll og 1 st í fl í upphafi umf til að mynda síðasta llb (12 llb).
7. umf. fl utan um llb sem endað var á að mynda í síðustu umf, 4 ll, fl í næsta llb, 4 ll, hoppa yfir fl, fl í næstu fl (miðju fl af þremur í umf. á undan), *[4 ll, fl í næsta llb]x2, 4 ll, hoppa yfir fl, fl í næstu fl (miðju fl af þremur í umf. á undan)*, endurtaka út umf það sem er á milli * *, endið á 2 ll og 1 st í fl í upphafi umf (18 llb).
8. umf. fl utan um llb sem endað var á að mynda í síðustu umf, 9 tbst í næsta llb, fl í næsta llb, *4 ll, fl í næsta llb, 9 tbst í næsta llb, fl í næsta llb*, endurtaka út umf það sem er á milli * *, endið á að gera 2 ll og 1 st í fl í upphafi umf (samtals 6 skeljar og 6 llb).
9. umf. fl utan um llb sem endað var á að mynda í síðustu umf, 4 ll, hoppa yfir 3 tbst, fl í hvern af næstu 3 tbst (ég geri alltaf fl í þá sjálfa svo að þetta sé akkúrat í miðjunni), *4 ll, fl í næsta llb, 4 ll, hoppa yfir 3 tbst, fl í hvern af næstu 3 tbst,*, endurtaka út umf það sem er á milli * *, endið á að gera 2 ll og st. í fl í upphafi umf (12 llb).

Endurtakið umf. 7-9 þar til stykkið nær upp að háls krukkunar með því að toga það svolítið upp. Endið endurtekninguna á 8. umf.

Gangið frá upphafsenda og smeygið krukkunni í stykkið og gerið því næst 9. umf en hafið þó aðeins 3 ll á milli í stað 4 ll og endið á 3 ll og kl í upphafs fl.

Þá er komið að hálsinum sjálfum. Mér finnst fallegra að hekla yfir skrúfganginn á krukkunni en ef þið viljið frekar þá getið þið stoppað hér.

Háls:
1. umf. 1 ll, *2 hst í næsta llb, hst í hverja af næstu 3 fl, 2 hst í næsta llb, hst í næstu fl*, endurtaka út umf það sem er á milli * *.
2. umf. hst í hverja L (heklað í spíral).

Endurtakið 2. umf. þar til búið er hekla utan um hálsinn, endið svo á kl í L frá fyrri umf. Klippið og gangið frá enda.


© Ólöf Lilja Eyþórsdóttir - það má ekki afrita uppskriftina á neinn máta án míns samþykkis.

Hér er svo linkur á uppskriftina á Ravlery fyrir þau ykkar sem eru þar:
http://www.ravelry.com/patterns/library/crochet-jar-cover-2


Crochet Jar Cover #2 - pattern

I love to crochet jar covers and because my Shell jar pattern has been so popular, I decided to do another pattern for you :)

Please don’t distribute the pattern itself, but feel welcome to share the link to the pattern as you like.

Crochet Jar Cover #2 - free pattern


Crochet Jar Cover #2

You may need to adjust this pattern to what kind of jar and/or yarn you are using. I used a yarn called Satúrnus and I think it's only available in Iceland (100% mercerized cotton - 200 g - approx. 680 m), 2,0 mm crochet hook and a jar (mine is approx. 15 cm high and 28 cm wide).

Abbreviations (US terms):
ch = chain
sl st = slip stitch,
sc = single crochet,
dc = double crochet,
tr = treble crochet,
sp = space,
st = stitch,
sk = skip,
rnd = round,
[...]x2 = make content two times.

The bottom:
Make magic ring.
Round 1. ch 3 (counts as dc), 11 dc in ring, join with sl st into 3rd ch. Pull magic circle tight (total 12 dc).
Round 2. ch 3 (counts as dc), 1 dc in same st, *2 dc in each st* repeat between * * around, join with sl st into 3rd ch (total 24 dc).
Round 3. ch 3 (counts as dc), 1 dc in same st, 1 dc, *2 dc in same st, 1 dc* repeat between * * around, join with sl st into 3rd ch (total 36 dc).
Round 4. ch 3 (counts as dc), 1 dc in same st, 2 dc, *2 dc in same st, 2 dc* repeat between * * around, join with sl st into 3rd ch (total 48 dc).
Round 5. ch 3 (counts as dc), 1 dc in same st, 3 dc, *2 dc in same st, 3 dc* repeat between * * around, join with sl st into 3rd ch (total 60 dc).

The piece now covers almost the bottom of the jar but if you have a bigger jar you can continue the same way and increase dc between by 1 dc in each round. The next round should then be 2 dc in same st, 4 dc but make sure to have amount of stitches that can be divided by 10.

The body: 
The pattern itself is a multiple of 10.
Round 6. ch 1, sc in same st, ch 4, sk next 3 st, sc in each of next 3 st, *ch 4, sk next 3 st, sc in next st, ch 4, sk next 3 st, sc in each of next 3 st*, repeat between * * around, end with ch 2 and 1 dc in first sc at the beginning of rnd to form the last ch 4 sp (12 sp).
Round 7. sc around ch 4 sp you ended forming in last rnd, ch 4, sc in next sp, ch 4, sk next sc, sc in next sc (the middle one of three from last rnd), *[ch4 , sc in next sp]x2, ch 4, sk next sc, sc in next sc (the middle one of three from last rnd)*, repeat between * * around, end with ch 2 and 1 dc in first sc at the beginning of rnd (18 sp).
Round 8. sc around ch 4 sp you ended forming in last rnd, 9 tr in next sp, sc in next sp, *ch4, sc in next sp, 9 tr in next sp, sc in next sp*, repeat between * * around, end with ch 2 and 1 dc in first sc at the beginning of rnd (total 6 shells and 6 sp).
Round 9. sc around ch 4 sp you ended forming in last rnd, ch 4, sk next 3 tr, sc in each of next 3 tr (the three one in the middle), *ch 4, sc in next sp, ch 4, sk next 3 tr, sc in each of next 3 tr*, repeat between * * around, end with ch 2 and 1 dc in first sc at the beginning of rnd (12 sp).

Repeat rnd 7-9 until the piece reaches the neck of the jar by stretching it up. End your repeating at rnd 8.

Weave in end and put the jar in the cover and do rnd 9 but have ch 3 sp between instead of ch 4 and end with ch 3 and sl st to first sc.

Then you are ready for the jar neck. I think it’s prettier to crochet around the neck but if you like you can stop here. 

The neck:
Round 1. ch 1, *2 hdc in next sp, hdc in each of next 3 sc, 2 hdc in next sp, hdc in next sc*,  repeat between * * around.
Round 2. hdc in each st (crochet in spiral rounds). 

Repeat rnd 2 until you have covered the neck, end with sl st. Fasten off and weave in end.


© Ólöf Lilja Eyþórsdóttir - you may not copy this pattern in any way (for example translating) without my permission.

Here is a link to the pattern for those who are using Ravelry:

Crochet Jar Cozy

16. ágúst 2015

Heklað utan um krukkur

Voðalega er ég löt að blogga... en sem betur fer er ég miklu duglegri að hekla ;) Það sést reyndar meira til mín á Facebook-síðu bloggsins þannig að ef þið viljið fylgjast betur með mér þá er kjörið að smella einu "læki" á síðuna :)

Ég hóf sem sagt strax handa við að byrja á eldhúsgardínum eftir að ég kláraði baðgardínurnar sem var það síðasta sem ég bloggaði um sem var í janúar! Ég er eiginlega búin með neðri kappann en er aðeins að hugsa hvort að ég vilji hafa þær alveg beinar eða smá rykkingu... og svo er stóra spurninginn hvort að ég fíli nokkuð að hafa tvo kappa :) Þannig að það verkefni er komið í smá bið. Ég á *hóst* ansi mörg verkefni sem eru á bið... hálfkláruð sjöl, hálkláruð teppi osfrv... ég ætla samt ekki að láta gardínuna fara í þann pakka... ég lofa ;)

Ég er svo líka búin að vera að hekla utan um krukkur annað slagið. Ég því miður hef ekki alltaf skrifað hjá mér hvaða heklunál ég notaði og hvar ég fann mynstrið en ég er að spá í að reyna að grafa þetta upp og skella inn bloggfærslum með krukkunum.

Heklað utan um krukku


Best að byrja þá að skella inn þessari sem ég heklaði utan um í gær. Ég var ekki nógu ánægð með myndirnar en þær verða bara að duga að sinni. Mér finnst mér vanta einhvern fallegan bakgrunn svo að krukkurnar njóti sín... en þetta þarf ekkert að vera fullkomið er það nokkuð?

Heklað utan um sultukrukku

Þegar ég var að hekla mynstrið þá fannst mér það eitthvað kunnulegt og jú viti menn ég hafði heklað þetta áður þegar ég var að prufuhekla uppskrift... sem sagt ég á krukku með þessu mynstri en hún kom reyndar öðruvísi út vegna þess að ég notaði stærri heklunál og annað garn... og jú svo var auðvitað botninn og toppurinn öðruvísi.

Krukkuhekl

Garn: Solberg Garn 12/4 Mercerisert
Heklunál: 1,5 mm
Uppskrift: engin en mynstrið er #203 í The Complete Book of Crochet Stitch Designs


Læt eina aðra krukku fylgja sem ég heklaði um daginn sem fór í hjólhýsið en það er allt appelsínugullt í því þannig að hún var auðvitað í stíl við það ;)

Hekluð krukka

Garn: Mandarin Petit
Heklunál: 2,5 mm
Uppskrift: http://fondrari.blogspot.com/2013/11/heklu-krukka-uppskrift.html